Tütün əkini: Tütün toxumları şitillikdə (istixanada) səpilib becərildikdən sonra aprel-may aylarında sahəyə köçürülür. Tütün üçün ən yaxşı sələf dənli, dənli- paxlalı və çoxillik yem bitkiləri hesab olunur. Əkini üçün torpağın 25-27 sm dərinlikdə şumlanması lazımdır. Dondurma şumu oktyabr-noyabr aylarında aparılmalıdır. Hektara 20-48 min bitkinin əkilməsi optimal hesab edilir. Şitillər sahəyə əkildikdən sonra 3 dəfə cərgəarası becərmə, 5 dəfə yarpaq dərimi aparılır. Virciniya sortunda 3 dəfə cərgəarası becərmə aparıldıqdan sonra 1 dəfə yarpaq dərimi həyata keçirilir və yetişmə dövründə təkrar 1 dəfədə dərim aparılır.

Əkinə qulluq: Azərbaycan Respublikasının torpaq-iqlim şəraitinə uyğun olaraq hektara təsiredici maddə hesabı ilə mineral gübrələr – azot 45-90 kq, fosfor 120-140 kq, kalium 100 kq normasında verilir. Fosfor və kalium gübrəsinin bütün norması 1 dəfəyə şum altına, azot gübrəsi isə vegetasiya dövründə hissə-hissə 2 dəfəyə verilir. Virciniya tipli sortlardan yığılmış məhsul topa halında quruducu kameralarda, yerli sortlar isə günəş altında qurudulur. Çiçək qrupları əl ilə vurulur.

• Azərbaycanda becərilən sortları

  Azərbaycanda Əkinçilik ET İnstitutu tərəfindən yaradılmış Zaqatala 67 (1987), Zaqatala iriyarpaqlısı (1995), Zaqatala 1 (2002), Trapezond 1 (2007) sortları, həmçinin respublikaya introduksiya olunmuş Virciniya 79, Burley, Trapezond 15, Samsun 138, Trabzon 2 və İtiyarpaq kimi tütün sortları becərilir.

• Tütün toxumunun əkin üçün hazırlanması

  Tütün bitkisinin vеgеtаsiyаsı iki əsаs dövrə аyrılır: şitil və sаhədə becərmə dövrü. Tütün şitillik dövründə tохumun cücərməsi, cücərtilərin аlınmаsı, iki yаrpаq əmələ gəlməsi, хаçlаmа, qulаqsız, şitilin fоrmаlаşmаsı və s., açıq sаhədə isə kök bаğlаmа, gövdələşmə, gönçələmə, çiçəkləmə, yаrpаqlаrın və tохumlаrın yеtişməsi fаzаlarını kеçirir. Şitillik dövrü 35-45 gün davam edir.