Tütün yarpaqlarının odla qurudulması XX-əsrin I yarısında tütün becərilən ölkələrin hər birində geniş vüsət almışdır.

Azərbaycanda tütün qurutma

Azərbaycanda isə 80-cı illərdə Zaqatala Rayonunda amerikalı mütəxəssislərlə birgə verciniya tütün növünü odla qurudulması həyata keçirilmişdir və beləliklə bölgəmizin insanlarında verciniya tütün növünün əkilməsi, becərilməsi və qurudulması vərdişləri yaranmışdır. Yapon investorların sərmayəsi ilə yaradılmış "Zaqatala Agro İndustry MMC"də 120 tütün qurutma kamerası mövcuddur. Qurutma prosesi kameraların içərisinə doldurulmuş yaşıl tütün yarpaqlarının saraldılması ilə başlayır.Saralma yaşıl tütün yarpaqlarının xlorofil maddəsinin parçalanması nəticəsində baş verir. 2-ci proses alınmış rəngi saxlanması yəni fiksasiya adlanır.Bu fazada temperatur artırılması və rütubətin azaldılması ilə proses davam etdirilir.
3-cü faza yarpağın qurudulmasıdır.
4-cü faza isə yarpağın özəyinin qurudulmasıdır.
Qurutma prosesi yarpağın özəyinin quruyaraq bərkiməsi və əl ilə əyərkən sınması zamanı bitmiş hesab olunur.
Qurutma prosesi normal gedərsə qurutma müddəti yarpağın xırda və ya iri ölçüsünə görə 144-168 saat çəkə bilər.
Kameraya doldurulan tütün partiyası eyni botaniki növə məxsus olmalı, eyni yetişkənlikdə, eyni dərimdən olmalı və 1 gün ərzində kameraya doldurulmalıdır.
Tütünün saraldılması prosesi 28-32 temperaturdan başlayır və 38 dərəcədə davam etdirilir.Bu fazada kameranın nisbi rütubəti 98-85% olmalıdır.
Fiksasiya fazasında temperatur 48 dərəcəyə qədər qaldırılır və nisbi rütubət 45% qədər düşür.Yarpaq qurudulması fazasında temperatur 58 dərəcəyə çıxır nisbi rütubət isə 35% endirilir.
Nəhayət son faza olan damar qurumasında temperatur 68-72 dərəcəyə qaldırılır.Nisbi rütubət isə 7 faizə düşürülür.
Bütün qurutma fazalarında temperatur saatda 05-1 dərəcədən artıq yüksəlməməlidir.Saralma və damar qurumasında çöl hava klapanı az açıq,fiksasiya və yarpaq qurumasında isə çox açıq olmalıdır.